What is Data Center ?
ဒေတာစင်တာဆိုတာ အိုင်စီတီ လုပ်ငန်းတစ်ခု လည်ပတ်ဖို့အတွက် နောက်ကွယ်က ပံ့ပိုးပေးနေတဲ့ အဓိက အရေးကြီးတဲ့ အခြေခံအဆောက်အအုံ ဖြစ်တယ် လို့ပြောနိုင်ပါတယ်။ ဥပမာအလွယ်ပြောရရင် ကျနော်တို့ ဝက်ဘ်ဆိုက်တစ်ခု အင်တာနက်ပေါ်လွှင့်တင်ထားတယ် ဆိုကြပါစို့ .. ဝက်ဘ်ဆိုက်အတွက် ကျနော်တို့သွင်းထားတဲ့ ဒေတာတွေ (စာသားတွေ၊ ဓာတ်ပုံတွေ၊ applicationတွေ) ကို သိမ်းထားဖို့ အတွက် Hosting လိုပါတယ်။ ပြောရရင် Web Server တစ်ခုထဲမှာ သိမ်းကြမှာပေါ့ .. ဝက်ဘ်ဆိုက်ကို 24 နာရီ access လုပ်နိုင်ဖို့အတွက် Web server ကိုလည်း 24 နာရီ run ထားရမှာဖြစ်ပါတယ်။ ဒီတော့ ဒီလိုဆာဗာတွေကို ဒေတာစင်တာထဲမှာ ထားကြရတယ်။ ကိုယ့်ဆာဗာကို ကိုယ့်ဟာကိုယ် အိမ်ထဲမှာ / ဒါမှမဟုတ်ရုံးမှာပဲ ထားလို့မရဘူးလား ဆိုရင်တော့ ရတော့ရပါတယ် လို့ပဲ ဖြေရမယ်။ ဒါက ကိုယ့်ဆာဗာရဲ့ အရေးကြီးမှု၊ မကြီးမှု နဲ့လည်းဆိုင်ပါတယ်။ 24 နာရီ အချိန်ပြည့် ပါဖောမန့်ကောင်းကောင်းနဲ့ run နိုင်ဖို့ အတွက် ပြည့်စုံတဲ့ ပတ်ဝန်းကျင်ကို ဒေတာစင်တာတွေက ပံ့ပိုးပေးပါတယ်။ လျော့ချထားတဲ့ ပတ်ဝန်းကျင် အပူချိန်၊ အရေးပေါ် Power backup (UPS, မီးစက် စသည်ဖြင့်) နှင့် အခြားသော ထောက်ပံ့မှု များစွာအပြင် ဆာဗာတွေရဲ့ လုံခြုံရေးကိုလည်း ထောက်ပံ့ပေးပါတယ်။
တနေ့တခြား ပိုမိုဖွံ့ဖြိုးလားတဲ့ ICT လုပ်ငန်းတွေရဲ့ တောင်းဆိုချက်အရ ဒေတာစင်တာတွေဟာ ပိုမိုအရေးပါလာပြီး လိုအပ်ချက်လည်း မြင့်မားသထက် မြင့်မားလာတာကို တွေ့ရပါတယ်။ ဒေတာစင်တာ တစ်ခုတည်ဆောက်ဖို့အတွက် အခြေခံလိုအပ်ချက်လည်း များစွာရှိပါတယ်။ ကုန်ကျစရိတ်လည်း မြင့်မားသောကြောင့် ထိုလိုအပ်ချက်များ မပြည့်စုံလျင် ရင်းနှီးမြှပ်နှံသူများက စဉ်းစားလေ့ မရှိကြပေ။ ဥပမာပေးရရင် South Pacific ဒေသတစ်ခုလုံးရဲ့ ထက်ဝက်ကျော်ကျော်သော ဒေတာစင်တာများဟာ Singapore ဆိုတဲ့ ကျွန်းသေးသေးလေးမှာရှိတာပါ။ Regional ရုံးချုပ်တွေကိုလည်း Singapore မှာပဲ လာဖွင့်ကြပါတယ်။ Microsoft, Google, Amazon, Facebook စတဲ့ ကမ္ဘာကျော် အင်တာနက် Company များကလည်း Singapore မှာ ၄င်းတို့ကိုယ်ပိုင် ဒေတာစင်တာများ လာရောက်ထားရှိကြပြီးဖြစ်ပါတယ်။ ဒေတာစင်တာတွေကို တည်ဆောက်ဖို့ Singapore ကိုမျက်စိကျရခြင်း အကြောင်းကလည်း အောက်ပါအချက်တွေကြောင့် ဖြစ်ပါတယ်။
Natural Disaster
ငလျင်၊ မုန်တိုင်း စသော သဘာဝဘေးများ သာမန်အားဖြင့် Singapore တွင်ဖြစ်လေ့ဖြစ်ထ မရှိပါဘူး။
Electricity
ပင်မလျပ်စစ်လိုင်း stable ဖြစ်ဖို့က ဒေတာစင်တာများအတွက် အင်မတန် အရေးကြီးသည်။ Singapore က အချိန်ပြည့် electricity ရနိုင်ဖို့အတွက် အာမခံချက်ရှိသည်။
International Bandwidth
နိုင်ငံတကာနှင့် ဆက်သွယ်ထားသော ပင်လယ်ရေအောက် အင်တာနက် ကေဘယ်လ်လိုင်းများစွာတို့၏ ဆုံချက်သည် Singapore တွင်ဖြစ်သည်။
Labour Market
အလွှာစုံ ကျွမ်းကျင်ပညာရှင် / အလုပ်သမားများ ခန့်အပ်ရန် Singapore တွင် ခက်ခက်ခဲခဲ ရှာဖွေရန်မလိုအပ်ပေ။
Real estate markets
မြေနေရာငှားရမ်း/ဝယ်ယူ ရာတွင် Singapore ၏ အနေအထားသည် ဒေသတွင်းနိုင်ငံများနှင့် ယှဉ်ပါက အတန်ငယ် မြင့်မားသော်လည်း အစိုးရ၏ Data Center environment ဖွံဖြိုးလာအောင် စီစဉ်ပေးသော ဆောင်ရွက်ချက်များက များစွာ သက်တောင့်သက်သာ ဖြစ်စေသည်။ Jurong ဒေတာစင်တာဇုန် ကို Singapore အစိုးရက ဖော်ထုတ်ကာ Data Center Operator Company ကြီးများကို ဖိတ်ခေါ်ခဲ့သည်။
Services & Suppliers
နည်းပညာပိုင်းဆိုင်ရာ နှင့် hardware လိုအပ်ချက်များအတွက် Singapore တွင် မြောက်များလှစွာသော Supplier Company များ အဆင်သင့် ရှိနှင့်နေပြီးသားဖြစ်၏။
Quality of life
Singapore သည် နိုင်ငံရေး တည်ငြိမ်သော နိုင်ငံဖြစ်သည်။ ပြည်တွင်းစစ် ဖြစ်ပွားနေခြင်းမျိုးလည်း မရှိပဲ လူနေမှုအဆင့်မြင့်မားသော နိုင်ငံဖြစ်သည်။
Security and public safety
တရားဥဒေစိုးမိုးမှု မြင့်မားသော နိုင်ငံဖြစ်သည်။ လုံခြုံရေးနှင့် ပတ်သက်ပြီး အာမခံချက် ပေးနိုင်သောကြောင့်လည်း ဖြစ်သည်။
စင်္ကာပူရှိ ထင်ရှားသော Data Center အော်ပရေတာများ
နိုင်ငံတကာမှ နာမည်ကျော် Operator များ
ဆက်ရန် >> ( 2 ) DC Challenges
